Yalanlara öyrətmədim dilimi,

Mənim dilim, sənin dilin deyil ki,

Hər yetənə uzatmadım əlimi,

Uçub getdin, sazaq düşdü könlümə,

Mənim qəlbim, sənin qəlbin deyil ki,

Sən gülüşçün yaranıbsan, inləmə,

Sən qaraltdın, mən ağartdım saçımı,

Mənim saçım, sənin saçın deyil ki,

Eşidənlər bağışlayır suçumu,

Yerə düşdü, odlu sözüm közərdi,

Mənim sözüm, sənin sözün deyil ki,

Qarşılaşdıq, dil susdu, üz qızardı,

Mənim üzüm, sənin üzün deyil ki...

Sən yolunu dəyişdirdin bir səhər,

Mənim yolum, sənin yolun deyil ki,

Bu hicrana dözəcəyəm birtəhər,

Dözəcəyəm, hicran ölüm deyil ki !..

�

Müəllif : - Ceyla

Redaktə etdi : - Ceyla